Dalja e Brikenës nga Big Brother VIP Albania, vetëm pak para finales, është kthyer në një nga momentet më të komentuara të këtij sezoni.
Pas përballjes “kokë më kokë” me Rogertin, ajo nuk arriti të siguronte vendin në finale, duke u eliminuar nga votat e publikut.
Në reagimin e saj të parë pas daljes, Brikena nuk e fshehu zhgënjimin për rezultatin, duke folur hapur për situatën.
Ajo zgjodhi ta “thumbonte” Rogertin për sjelljen dhe fjalorin e tij brenda shtëpisë, duke lënë të kuptohet se nuk e shihte si finalist më të merituar.
“Më vjen keq që shkon Rogerti para meje, sepse ka ofenduar shumë. Por vendos publiku,” u shpreh ajo.
Ndërkohë, rrjeti ka shpërthyer në komente, ku shumë ndjekës kanë shprehur habi për rezultatin dhe kanë ngritur dyshime mbi mënyrën e votimit.
Disa madje kanë aluduar për manipulim, duke theksuar se sipas sondazheve online, Brikena shihej si më e favorizuar për të shkuar në finale.