Mbrëmja e fundit në Big Brother VIP Albania ishte një nga më të fortat e këtij sezoni, duke lënë jashtë finales një nga banoret më të komentuara, Brikenën.
Në përballjen vendimtare me Rogertin, ajo humbi biletën e fundit për finalen, duke ndërprerë rrugëtimin vetëm pak ditë para natës së madhe.
Ndërsa rrjeti shpërtheu në reagime dhe debate, brenda shtëpisë situata ishte edhe më emocionale. Mateo u shfaq i prekur dhe në lot, duke treguar hapur zhgënjimin për largimin e saj.
Por ndryshe nga atmosfera e rënduar brenda, Brikena jashtë tregoi një tjetër anë—atë të mbështetjes së fortë për të.
Sapo mori telefonin në dorë, ajo reagoi menjëherë në rrjetet sociale, duke bërë një veprim që nuk kaloi pa u vënë re.
Në një postim në Instagram, ajo ndau grafikën e finalistëve dhe e bëri të qartë se mbështetja e saj shkon për Mateon.
Madje, duke rrethuar portretin e tij me zemra, ajo u bëri thirrje ndjekësve: “Të votojmë fituesin e padiskutueshëm!”
Ky veprim ka treguar se, pavarësisht eliminimit, Brikena vazhdon të qëndrojë pranë Mateos dhe ta mbështesë deri në fund të garës.
