Moment epik në Prime: Ledion Liço dhe Monika Kryemadhi imitojnë përqafimin e Mateos dhe Brikenës
Spektakli i fundit i “Big Brother VIP Albania” nuk ka kaluar pa momente epike, jo vetëm nga dinamikat e tensionuara brenda shtëpisë, por edhe nga ajo që ndodhi në studion e programit.
Një nga momentet që po bën xhiron e rrjetit dhe ka shkaktuar shumë të qeshura tek ndjekësit lidhet me një situatë spontane mes moderatorit Ledion Liço dhe opinionistes Monika Kryemadhi.
Gjatë diskutimit për marrëdhëniet mes banorëve, vëmendja u ndal tek raporti i shumëkomentuar mes Mateos dhe Brikenës, i cili shpesh është cilësuar nga publiku si i sikletshëm dhe i njëanshëm.
Për t’i dhënë situatës një nuancë humori dhe për t’i treguar publikut se si duken ndërveprimet e tyre në shtëpi, Ledioni dhe Monika u ngritën nga karriget e tyre në studio.
Dyshja vendosi të imitojë përqafimin e famshëm mes Mateos dhe Brikenës, duke u përqafuar në të njëjtën mënyrë të ftohtë dhe të ngurtë, ashtu siç ishte parë edhe mes dy banorëve në shtëpi.
Momenti u prit me shumë të qeshura nga publiku në studio dhe menjëherë u bë viral në rrjetet sociale, ku ndjekësit e spektaklit e cilësuan si një nga momentet më qesharake të Prime-it.